Ministri i Shoqërisë Informatike dhe Administratës Damjan Mançevski sot deklaroi se nuk do të ketë largime në administratën publike, ndërsa punësime do të ketë konform nevojave.
Duke u përgjigjur në pyetjen e gazetarëve, Mançevski tha se tashmë ka ulje natyrore të numrit të administratës, gjegjësisht është ulur numri i të punësuarve, ndërsa numri i saktë do të dihet në mars kur Ministria në mënyrë ligjore duhet të japë raport për numrin e përgjithshëm të të punësuarve në vitin paraprak.
Analizat, siç theksoi, do ta japin pasqyrën e vërtetë për gjendjen në administratë.
“Ne nuk kemi inxhinierë, inxhinierë të ndërtimit, nuk kemi arkitektë, numër të mjaftueshëm të juristëve. Nuk kemi numër të mjaftueshëm të personave me kualifikim të lartë që t’i ndërmarrin vendet udhëheqëse në administratë”, theksoi Mançevski, duke shtuar se punësimet do të jenë konform nevojave, ndërsa vetë procesi i punësimeve do të jetë transparent.
Në këtë kontekst theksoi se si Ministri duhet ta implementojnë regjistrin elektronik qendror të popullatës, por për këtë, siç tha, në këtë moment nuk kanë kapacitet dhe do të duhet urgjentisht në gjashtë muajt e parë të vitit të ardhshëm të punësohen inxhinierë elektrikë.
Duke e komentuar shpalljen për punësimin e nëpunësve në Kuvendin e Republikës së Maqedonisë ai vlerësoi se shpallja është diskriminuese, por, siç tha, do të tentojnë të gjejnë mënyra të korrigjohen gabimet.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
