Kryeministri i Maqedonisë Zoran Zaev, në intervistë për radion Malazeze “Antena M”, deklaroi se NATO dhe BE janë alternativa e vetme për Maqedoninë, dhe se pret reagim të ashpër nga Rusia kur të vijë koha për pranimin e vendit në Aleancën Veriatlantike
Në emirionin “E vërteta e drejtë”, Zaevi tha se është i përgatitur për reagim të ashpër nga Moska, siç ishte rasti edhe me pranimin e Malit të Zi në NATO.
- Reaguan për Malin e Zi, ne jemi të përgatitur sepse vendi im nuk ka alternativë. Përsëris, ne dëshirojmë ta avancojmë bashkëpunimin me Rusinë, dëshirojmë që për shembull atje të shesim më tepër domate, lakra dhe produkte tjera bujqësore. Megjithatë, ne nuk kemi alternativë, zgjidhja jonë është BE dhe NATO, theksoi Zaevi .
Ai thotë se është i përgatitur për çdo gjë që të realizohen këto qëllime, sepse, siç thekson, ky është opsioni i vetëm.
- E di se ka tentime për likuidime dhe është mirë që u reagua me kohë dhe kjo u parandalua. Disa analistë më thonë – tani e ke radhën ti. Nëse diçka duhet të ndodhë, le të ndodhë. Unë e pranova punën si kryeministër, vendit tim i duhet lider dhe jam i gatshëm të marr vendime siç priten nga qytetarët tonë, me çdo kusht, po le të bëhet çfarë do të bëhet, tha kryeministri Zaev, duke shtuar se është i bindur se Maqedonia do të bëhet anëtarja e 30 në NATO.
