Pas ankesës së refuzuar të Besës për vendvotimin 2901 në Sh.f. Çair, Gjykata Administrative Shkup, ka marrë vendim për rivotim, duke e pranuar ankesën e tyre.
Në rrethin e dytë të zgjedhjeve vendore, në këtë vendvotim kanë votuar 278 nga gjithsej 719 votues. Dallimi mes kandidatëve për kryetar komune Zeqirija Ibrahimi dhe Visar Ganiu ishte 66 vota përparësi për Ibrahimin.
Sipas Kodit Zgjedhor, e gjithë procedura përsëritet nga fillimi në vendvotimin në të cilin është anuluar dhe rivotimi bëhet 14 ditë nga dita e votimit, respektivisht, më 12 nëntor.
Nëse nga cila do arsye përsëri nuk zgjidhet kryetari i komunës, KSHZ brenda 15 ditëve duhet ta informojë Qeverinë, dhe të emërojë ushtrues detyre për kryetar komune, ndërsa 15 ditë nga emërimi i ushtruesit, Qeveria është e obliguar ta informojë Kuvendin për shpalljen e zgjedhjeve për kryetar komune.
