“Nikolla Gruevski personalisht ka kërkuar sigurim prej edhe 20 personave. Këtë vendim e sjell Ministri për punë të brendshme dhe unë kam mundur ashtu, kuturu, ta sjell menjëherë, mirëpo kjo nuk bën. Kemi bërë vlerësime në Byronë e Sigurisë Publike dhe në Drejtorinë për Siguri dhe Kundërzbulim, janë analizuar të gjitha të dhënat dhe duke marrë parasysh që sigurimi i tij aktual nga gjashtë persona, deri në këtë moment, nuk ka paraqitur kërcënim ndaj tij ose ndaj familjes tij, nuk ka vlerësim se duhet të rritet numri i personave që e sigurojnë”, është përgjigjur sot në pyetjen e gazetarëve, në konferencën për shtyp me rastin e 100 ditëve nga Qeveria e re, Ministri për Punë të Brendshme, Oliver Spasovski.
Me vendimin ligjor në fuqi, kryeministrat e mëparshëm kanë të drejtë për truproja personale, nga gjashtë persona, në afat kohor aq sa kanë qenë në atë funksion. Gruevski ishte kryeministër pothuajse 10 vite, nga gushti i vitit 2006, deri në janar të vitit 2016. Mirëpo, sipas Spasovskit, nuk ka nevojë që ish-kryeministri të ketë edhe truproja plotësuese prej edhe 20 personave.
Sipas një pjese të mediave, në kërkesën e muajit korrik është shënuar se Gruevski ka pasur kërcënime për jetë, se funksionin e ka kryer në periudhë turbulente, se është deputet aktual në Kuvend dhe se është kryetari i partisë më të madhe opozitare VMRO-DPMNE dhe se truprojat i nevojiten derisa ekziston mundësia për rrezik për jetën e tij dhe integritetin personal!
