“Turpërohem që jam Kryeministër i një vendi në të cilin burgjet janë jashtë të gjitha standardeve të njerëzores dhe aspektit social të jetës së personave të dënuar në institucionin ndëshkimor, burgun e Idrizovës”, porositi sot kryeministri Zaev gjatë vizitës së tij në burg, pas ftesës së Avokatit të Popullit dhe Komitetit të Helsinkit për të drejtat e njeriut në Maqedoni.
Nëse sipas standardeve duhet të ketë 850 të dënuar, në Idrizovë për momentin e vuajnë dënimin 1,850 persona, tha Kryeministri Zaev.
“Kjo, vetvetiu tregon se çfarë pasoja tërheq. Kjo për njerëzit me shëndet të dobët është problem plotësues, dhe këtu bëhet fjalë për shëndetin e njerëzve. Ushqimi me siguri është problem plotësues, me vetë numrin e të dënuarve, i cili gjithashtu është i keq. Njerëzit tregojnë se që të kenë sado pak një vakt të domosdoshëm dhe ushqim cilësor, duhet të shtojnë nga shtëpia, përmes paketave që ua sjellin, ndërsa një pjesë nga ata përgatisin në dhomat e tyre”, theksoi Zaev.
Si një nga opsionet për shkarkimin e burgut të mbipopulluar “Idrizovë”, Zaevi e paraqiti amnistinë e një pjese të të dënuarve, përmes shlyerjes së 30% nga dënimi i plotë, ose përmes metodave tjera për veprat penale për të cilat ekziston një mundësi e tillë, por jo edhe për format e rënda të krimit të rëndë, siç është pedofilia ose krimet kundër njerëzimit. Zaevi shprehi bindje se Qeveria dhe parlamenti janë të përgatitur për përmirësimin urgjent të kushteve jonjerëzore në burgjet.
Maja Ivanovska
Kamera dhe fotografia: Dehran Muratov
Montazhi: Daniela Niseva
