“Nuk jam në shtet, jam në pushim. Kur të kthehem, do t’u përgjigjem”, komentoi shkurt Trajan Petrovski, personi kompetent për marrëdhënie me publikun në Komunën Gazi Babë, në pyetjen e CIVIL Media: pse ende qëndorn posteri i madh propagandist i Nikolla Todorov, i vendosur në afërsi të sheshit në Autokomandë.
Paraprakisht, përmes telefonit biseduam edhe me përfaqësues tjerë të komunës, ose nuk e dinin, ose nuk ishin kompetentë të na përgjigjen në pyetjen.
Zgjedhjet e parakohshme parlamentare u mbajtën para më tepër se gjysmë viti, më 11 dhjetor të vitit 2015. Sipas nenit 185 nga Kodi Zgjedhor, nëse organizatori nuk i largon mbeturinat nga pllakatet në afat prej 30 ditëve pas mbarimit të zgjedhjeve, i përcaktohet dënim prej 500 deri 2000 euro.
CIVIL –Media u drejtua me shkrim edhe deri te partia VMRO-DPMNE, por deri në botimin e tekstit nuk pranuam përgjigje.
As Komisioni Shtetëror Zgjedhor nuk u përgjigj në pyetjet që ua dërguam me postë elektronike.
Pasi që lideri i LSDM, Zoran Zaev, e formoi qeverinë e re, Nikolla Todorov dha dorëheqje nga vendi i deputetit, sepse, siç theksoi – do ti përkushtohet karrierës së avokatit.
Megjithatë, Todorov ishte i pranishëm në takimin e djeshëm me eurokomisarin Johanes Han, në të cilën ishin lideri i VMRO-DPMNE, Nikolla Gruevski dhe Antonio Milloshovski.
Dehran Muratov
