Gazetari Nazim Rashidi, redaktor dhe udhëheqës i emisionit “200” në TV Alsat-M, në panelin “Mes çekanit dhe kudhrës: Mediat dhe gazetaria në procesin zgjedhor”, i cili u mbajt javën e kaluar në organizim të CIVIL-Qendrës për Liri, tha se ai personalisht, mbi lëkurën e vet, nuk ka ndje ndonjë presion, por edhe se arsyet janë pikërisht në faktin që ai udhëheq emision debativ, në të cilin nuk ka hapësirë për presione. Presioni më i madh, thotë ai, është mossuksesi të bëhet debat ashtu si e duan të gjithë, në të cilin do të merrnin pjesë të gjithë.
“Kjo është presion nga arsyeja e thjeshtë që nëse dëshiron të jesh profesionist, ose nëse me të vërtetë dëshiron t’i përfaqësosh të gjitha palët, kjo është hendikep i madh”, tha Rashidi.
“Të gjithë e dimë se në çfarë rrethanash zhvillohet gazetaria në periudhën e fundit dhe mendoj se në këtë kontekst çdo gjë është shprehur. Nga raportet, nga vetë reagimi i profesionistëve, dhe nga kolegët. Në këtë kuptim, mendoj se është tepër delikate të flitet se çfarë mund të bëhet më tej, sepse vetë gazetarët për këto gjëra kanë treguar disa herë. Gazetaria nuk është, dhe nuk guxon të jetë problem vetëm i gazetarëve, por atë që ne vazhdimisht duhet ta tregojmë është se sa është e rëndësishme gazetaria për tërë shoqërinë. Vetëm atëherë mund të bëhet diçka”, thotë Rashidi.
“Kjo së po na ndodh viteve të fundit dhe posaçërisht në periudhën e fundit, është distorzion i cili na vjen nga mediat onlajn ose nga mediat e reja, sepse këtu nuk ka fare kontroll, çdo kush mund të shkruajë çfarë dëshiron dhe publiku të mendojë se çdo gjë është gazetari. Këtu kemi problem të madh! Ne duhet përsëri ta rregullojmë këtë hapësirë, në mënyrë që nuk do t’i pengojë mediave tjera, dhe njëkohësisht, të mos e pengojë profesionin në thelbin e veprimit të vet”, thotë Rashidi.
Kamera: Atanas Petrovski
Montazhi: Ermin Klimenta
