Në promovimin e publikimit në sallën e plotë të hotelit Park Rezidence, E.S. d-r Kristine D. Althauzer, Ambasadorja e Republikës Federale të Gjermanisë, mbajti fjalimin hyrës në të cilin e përshëndeti bashkëpunimin e suksesshëm me Civilin dhe orvatjet e tërë ekipit i cili ishte i kyçur në përgatitjen e publikimit voluminoz.
“Jam shumë kureshtare të lexoj më tepër për gjetjet e Civilit për vëzhgimin procesit zgjedhor. Nga puna e Civilit është e qartë se ekziston frikë dhe pasiguri mes votuesve”, theksoi Ambasadorja Althauzer.
“Ajo që gjithashtu mund të vërehet, është se qytetarët kanë dijeni të kufizuar për të drejtat e tyre votuese. Në veçanti më pëlqen ajo që përmes shfrytëzimit të mundësive të ndryshme që i ofron Interneti, Civil arriti ti inkurajojë qytetarët të marrin pjesë në procesin zgjedhor”, theksoi Ambasadorja Althauzer.
