Ata që punojnë kundër Marrëveshjes së Prespës dhe në vende jashtë Ballkanit Perëndimor, përfshirë Greqinë, do të futen në listën e zezë të SHBA-së.
Këtë për Zërin e Amerikës e deklaroi zëdhënësi i Departamentit të Shtetit duke u përgjigjur në pyetjen se administrata e Bajdenit planifikonte të shtrinte sanksionet në vendet e tjera, përfshirë Greqinë, e cila është nënshkruese e Marrëveshjes së Prespës, dhe i nënshtrohet implementimit të tij.
“Urdhri ekzekutiv 14033 lejon sanksione kundër atyre që nënvlerësojnë stabilitetin e Ballkanit Perëndimor, kudo që janë, me kusht që të përmbushin kriteret përkatëse të shënjestrimit”, tha një zëdhënës i Departamentit të Shtetit.
Ai në fillim të kësaj jave në përgjigje të Zërit të Amerikës tha se vendimet për të shtuar emra të rinj në listën e zezë ishin “subjekt i një procesi të kujdesshëm, të disiplinuar dhe zbatoheshin vetëm në rastet më serioze”.
I pyetur nëse urdhri ekzekutiv i Bajden gjithashtu përfshin qytetarë që kundërshtojnë publikisht Marrëveshjen e Prespës në mediat sociale, zëdhënësi tha në atë kohë se qëllimi i SH.B.A. nuk ishte të parandalonte individët nga shprehja e një mendimi dhe se SHBA-ja inkurajonte diskutim dhe debat të fortë midis qytetarëve në mbarë botën dhe Ballkanin Perëndimor.
Ai theksoi se “urdhri ekzekutiv është një mjet për të synuar ata që minojnë stabilitetin e Ballkanit Perëndimor dhe ndihmon për të forcuar bazat për paqe, siguri dhe stabilitet në rajon”.
“Urdhri ekzekutiv i referohet veprimeve që nënvlerësojnë proceset demokratike, përpjekjet për të shkelur, penguar ose kërcënuar zbatimin e marrëveshjeve ndërkombëtare të paqes, pjesëmarrjen në abuzime serioze të të drejtave të njeriut, ose korrupsion, ndër aktivitete të tjera”, tha zëdhënës i Zërit të Amerikës.
Në fillim të këtij muaji, presidenti Xho Bajden lëshoi një urdhër ekzekutiv për ngrirjen e pronave dhe ndalimin e hyrjes së individëve në SHBA si kërcënim për sigurinë dhe paqen e çdo vendi në Ballkanin Perëndimor.
Sanksionet do t’i përkasin edhe atyre personave, të cilët, ndër të tjera, janë përgjegjës ose të përfshirë në pengimin e zbatimit të Marrëveshjes së Prespës të vitit 2018 dhe Marrëveshjes Kornizë të Ohrit të vitit 2001. Urdhri ekzekutiv do të përfshijë gjithashtu persona që janë të përfshirë direkt ose indirekt në korrupsion, keqpërdorim të fondeve publike, ryshfet dhe të ngjashme.
