Presidenti amerikan Xho Bajden sot, në fillim të samitit me liderët e Bashkimit Evropian, paralajmëroi për “populizmin e rremë” që po përhapet në kontinentin amerikan dhe evropian.
“Ne jemi në mes të bukurisë së tmerrshme që lindi”, tha ai, duke e cituar shkrimtarin irlandez, Vilijam Batler Jets, transmetoi Si-En-En.
Bëhet fjalë për, siç thotë ai, ndryshimin e madh në teknologji dhe ndryshimin e madh të zhvillimit në botë.
“Kjo po shkakton ankth të madh në vendet tona”, shtoi presidenti amerikan, i cili u ul në tryezën e madhe të rrumbullakët, së bashku me përfaqësues evropianë dhe anëtarë të qeverisë amerikane.
Bajden deklaroi se ndryshimet ekonomike dhe teknologjike kanë shkaktuar paqëndrueshmëri politike që çoi në rezultate fatkeqe.
Biden shtoi se dëshiron t’i zgjidhte këto çështje gjatë bisedimeve të vazhdueshme me liderët evropianë, një ditë para udhëtimit të tij në Gjenevë në takimin me presidentin rus Vladimir Putin.
“Evropa është partneri ynë natyror, ndërsa arsyeja për këtë është se ne jemi të përkushtuar ndaj të njëjtave normave demokratike, dhe ato janë gjithnjë e më shumë nën sulm”, përfundoi presidenti amerikan.
