Një ish-punonjës i NLB Tutunska Bankës, i cili ka punuar në zyrën e degës nga viti 2011 deri në vitin 2013, u dëgjua sot si dëshmitar në rastin “Titanik”.
Ai theksoi para gjykatës se shpesh ndodhte, që një person fizik të paguante mjete monetare për më shumë persona fizik.
“Paratë janë paguar si donacion, në emër të partisë politike VMRO-DPMNE. Një person me emrin Dalibor erdhi disa herë dhe mbante urdhërpagesa. Për mjete mbi 1,5 milion denarë, është bërë kopje e letërnjoftimit”, deklaroi ish-punëtori i Tutunska Bankës, i cili shtoi deri në 60 mijë denarë, mjetet paguhen në para, pra mbi 60 mijë denarë në para. Sipas procedurave, dëshmitari deklaroi se gjithçka ishte e ligjshme.
Një anëtar i VMRO-DPMNE-së nga Strumica, si dëshmitar, tha se ai personalisht pagoi mjete si donacion për KK të partisë dhe gjithashtu nënshkroi fletëpagesë.
Një punonjës i SPB Shkup, gjatë dëshmisë së saj në Gjykatën Penale, deklaroi se ajo personalisht nuk ka dhuruar para si donacion për një parti politike.
Gjykimi në këtë rast drejtohet nga gjykatësi Osman Shabani, ndërsa aktakuza përfaqësohet nga prokurorja publike Lile Stefanova.
Përveç ish-kryeministrit të arratisur Nikolla Gruevski, në rastin “Titanik” akuzohen edhe Kiril Bozhinovski, Mile Janakieski, Gordana Jankuloska, Biljana Brishkoska Boshkovski, Ilija Dimovski, Munir Pepiq, Edmond Temelko, Kiril Todorovski dhe të tjerë. Ata dyshohen për shoqërim kriminal, shkelje të së drejtës për të votuar, shkelje të lirisë së përzgjedhjes së zgjedhësve, ryshfet në zgjedhje dhe votim, shkatërrim të materialit zgjedhor dhe keqpërdorim të mjete për financimin e fushatës zgjedhore.