Ministrja e Arsimit dhe Shkencës Milla Carovska sot do të marrë pjesë në dy takime të ndara konsultative me përfaqësues të kompanive, vetëqeverisjes lokale dhe shkollave të mesme profesionale nga Koçani, Vinica, Berova, Delçeva, Pehçeva dhe Makedonska Kamenica.
Takimet do të realizohen në Koçan dhe Berovë, ndërkaq janë pjesë e procesit “Mëso zgjuar, puno profesionalisht”, qëllimi kryesor i të cilit është të identifikojë nevojën për të hapur profile dhe klasa të caktuara në shkollat e mesme profesionale në qytete anembanë vendit nga viti i ardhshëm.
