Komunat e Shkupit siç janë: Saraji, Çairi, Buteli, Aerodromi dhe Gazi Baba është e mundur të vendosen në karantinë nëse në ditët në vijim rritet numri i qytetarëve të rinj të infektuar nga KOVID-19.
Ministri i Shëndetësisë, Venko Filipçe në konferencën për shtyp tha se një vendim të tillë nuk ka sjell sot, por do t’i dërgojë numrat në ditët në vijim dhe në fillim të javës së ardhshme do të sillen vendime.
Vendosja e karantinës, sqaroi, do të ishte sipas shembullit të Dibrës, gjegjësisht kufizim të lëvizjes në kuadër të pjesës së caktuar nga qyteti dhe vendi.
Filipçe në fillim të javës së ardhshme do të ketë vendim për hapjen e kufijve, për shtetet të cilat paralajmëruan se do t’i hapin kufijtë për vendin tonë.
“Një pjesë serioze nga pacientët e rinj të diagnostifikuar lidhur me analizat e epidemiologëve tregojnë se masat thjeshtë nuk respektohen. Duhet të respektohen masat që të kthehemi në normalitet, gjithkund në botë kjo është ashtu, nuk mund përjetësisht të jetojmë me kufij të mbyllur. Përgjegjësi e madhe tani bie ndaj qytetarëve dhe natyrisht ndaj institucioneve të cilat duhet ta kontrollojnë dhe sanksionojnë”, deklaroi ministri Filipçe.
