Në kuvendin e Republikës së Maqedonisë sot pritet të shpallen zgjedhjet presidenciale, të cilat duhet të mbahen më 21 prill, ndërsa rrethi i dytë më 5 maj.
Pas shpalljes, Komisioni Shtetëror Zgjedhor duhet të vendos afat kohor sipas të cilit do të zbatohen zgjedhjet. Gjithashtu, një ditë pas shpalljes së zgjedhjeve, Ministria për punë të brendshme duhet t’i dorëzojë të dhënat e qytetarëve që do të hyjnë në listën e votuesve. Pas pranimin të të dhënave, KSHZ ka afat prej 15 ditë ta vendos Listën e votuesve në kontroll publik që do të zgjasë 20 ditë. Nga KSHZ apeluan qytetarët me kohë t’i marrin dokumentet (letërnjoftimet) të cilat veç më janë të gatshme.
Mandati i presidentit aktual Gjorge Ivanov mbaron më 12 maj. Ende nuk dihet cili do të jetë kandidati i LSDM, por as edhe i BDI, pas mosmarrëveshjes për kandidat konsensual.
Deri tani, në konkursin e VMRO -DPMNE janë paraqitur 8 kandidatë.
