Gjashtë milionë fëmijë në botë të moshës deri 15 vjeç kanë vdekur vitin e kaluar nga sëmundje të cilët kanë mundur të parandalohen apo nga komplikime. Numri është pothuajse më pak se gjysmë në krahasim me vdekjet në vitin 2000, theksohet në raportin më të ri të UNICEF-it.
Në vitin 2000 11,2 milion fëmijë nën moshën 15 vjeçare kanë vdekur nga sëmundje të cilat kanë mundur të parandalohen, nga mosushqyerja, mungesa e ujit të pastër për pije dhe gjatë lindjes, njofton DPA.
Në vitin 2017 kjo shifër është 6,3 milion dhe ajo domethënë se një fëmijë në moshën nën 15 vjet ka vdekur në çdo pesë sekonda, raportoi UNICEF.
Shumica e vdekjeve (5,4 milion) kanë qenë nën moshën pesë vjeçare.
“Kemi arritur progres të mirë në shpëtimin e fëmijëve nga viti 1990 kur 12,6 milion fëmijë të moshës nën pesë vjeç kanë vdekur në botë për arsye të cilat kanë mundur të tejkalohen. Por milion fëmijë ende vdesin për shkak të asaj dhe për shkak të vendit ku janë lindur”, deklaroi Lourans Shandi drejtor i Departamentit për Hulumtim në UNICEF.
“Me zgjidhje të thjeshta si ilaçe, ujë të pastër, energji elektrike dhe vaksina mund të ndryshojmë realitetin për çdo fëmijë”, shtoi ai. (MIA)
