Civili organizon promovim të tre botimeve në klubin City Hall QKR ( MKC), të mërkurën më 30 maj me fillim në ora 20:30. Me më tepër se 350 kolumna nga 30 autore dhe autorë, në 1000 faqe në tre libra, organizata do të paraqitet edhe me një ndërmarrje botuese në të cilën kryhet një prerje e thellë e ngjarjeve në një nga vitet më të rëndësishme për demokracinë e Maqedonisë.
Promovimi është i paramenduar si shoqërim me autoret dhe autorët, me muzikë të mirë dhe atmosferë të këndshme. “Pa fjalime!” – theksojnë organizatorët, sepse janë të bindur se me kolumnat e tyre është treguar mjaftë.
” Në sallën e pritjes së lirisë” (“Во чекалницата на слободата”) nga Sasho Ordanoski, në 440 faqe, “Rafal” nga Xhabir Deralla dhe ” Padrejtësi dhe trazira” (“Неправда и немир”) nga 20 autore dhe autorë të Civilit, me nga 280 faqe, do të shënojnë një periudhë të rëndë pasigurie për Maqedoninë. Në një vend do të gjinden shumë qëndrime të ndryshme për të gjitha temat, ngjarjet dhe proceset më të rëndësishme me të cilat janë prekur të gjithë qytetarët në vendin. E përbashkët për tre librat është se janë të publikuara në hapësirë të lirë dhe të pavarur mediatike të cilin e krijoi Civili me projektin “Media të lira për shoqëri të lirë”.
Ngjarja është me karakter të lirë, si dhe të gjitha ngjarjet tjera në organizim të Civilit. Para dy ditësh organizata ka dërguar kumtesë deri te mediat dhe opinioni me të dhëna themelore për botimet dhe ngjarjen promovuese, ndërsa me më tepër hollësira për botimet do të ketë ditëve në vijim. Ndërkohë, Civilët ftojnë të interesuarit ta paraqesin prezencën e tyre në ngjarjen në Fejsbuk “ Libra për lirinë, padrejtësinë dhe trazirat”.
Fotografia – Aleksandros Stamatiu, ballina e një nga botimeve ( “Padrejtësi dhe trazira”)
