Seanca për lëndën “Trajektorja” e PSP-së pasdite vazhdoi pasi gjykatësi Goran Boshevski kumtoi se është refuzuar si e pabazë kërkesa e mbrojtjes për përjashtimin e Këshillit Gjyqësor dhe gjykatësve porotë.
Ka reaguar avokati Elenko Milanov duke vlerësuar se refuzimi i kërkesës për përjashtimin e Gëshillit Gjyqësor dhe refuzimin e kërkesës për përjashtimin e kryetarit të Gjykatës Penale Ivan Gjolev dhe gjykatësve nga Apeli është në kundërshtim të të drejtës.
Prokurorja Lile Stefanovska tha se sot duhet të nxirren dëshmi materiale ku një pjesë janë audio regjistrime. Duke pasur parasysh se regjistrimet në pjesë të vogël përmbajnë edhe biseda private Stefanovska kërkoi tërheqjen e disa bisedave.
Kjo është arsyeja e njëjtë për shkak të së cilës u kërkuan përjashtime edhe në lëndët e tjera të PPS-së.
Në “Trajektoren” janë të akuzuar janë ish-kryeministri Nikolla Gruevski, ish-zëvendëkryeministri Vlladimir Peshevski, ish-ministri i Transportit dhe Lidhjeve, Mile Janakieski dhe ish-drejtori i Agjencisë për Rrugë Shtetërore, Ljupço Georgievski. Ata sot kanë ardhur në Gjykatën Penale.
Ata janë të akuzuar se në gjysmën e dytë të vitit 2012 dhe gjatë vitit 2013 ndërmorën disa veprime me të cilat në procedurën për zgjedhje të kompanisë për ndërtim të autostradave Milladinovci – Shtip dhe Kërçovë – Ohër i kanë shfrytëzuar dhe tejkaluar autorizimet e tyre. Sipas PSP-së me veprim të kundërligjshëm të të akuzuarve kompania kineze “Sinohidro” ka përfituar dobi pronësore-juridike prej 155.117.256 euro, ndërsa shuma e dëmit paraqet dallim mes shumës së çmimit që si shtet ia paguajmë “Sinohidros” dhe çmimit që kjo kompani ua paguan prodhuesve.
Avokatët, ndërkaq, pohojnë se do të dëshmojnë se rrethanat dhe të dhënat me të cilat disponuan të akuzuarit gjatë sjelljes së vendimeve nuk është bërë veprim kundërligjor.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
