Në fakultetet për elektroteknikë dhe teknologji informatike, për shkenca informatike dhe inxhinieri kompjuterike dhe Fakultetin e Makinerisë pranë Universitetit “Shën Cirili dhe Metodi”, nga sot e deri më 5 prill mbahet Panairi i pestë për punësim dhe praktikë “Kontakt”, në të cilin do të prezantohen 22 kompani me renome nga sfera e elektroteknikës, elektronikës, makinerisë dhe shkencave informatike.
“Interesi i kompanive për profesionistët nga këto sfera është vazhdimisht në ngritje. Në panair, kompanitë do të mund t’i gjejnë personat të cilët e posedojnë dëshirën për sendërtim profesional dhe synojnë drejt ndërtimit të karrierës së suksesshme”, thotë Viktor Georgievski, organizator kryesor nga Parlamenti studentor pranë FETI-t.
Ai i inkurajon të gjithë studentët e interesuar që t’i vizitojnë kompanitë dhe, siç thekson, të bëhen pjesë e numrit të madh të rrëfimeve të suksesshme të cilët kanë dalë nga ky panair.
Në këtë mënyrë thonë studentët do të mundësohet komunikim i drejtpërdrejt i studentëve me kompanitë dhe me punëdhënësit, si dhe mundësi për sendërtim profesional dhe punësim. Sivjet, në panairin “Kontakt” do të prezantohen kompanitë KOSTAL, Draxlmaier, Marquardt, Asseco, Apave, Amphenol, Aptiv, EVN, LTH Learnica, GOBIVA, Netcetera, Intertec, ATS Global, doXteam, Closer, iBorn, MCA, Newman’s Business Accelerator, Pop Leads, Systems for Enterprise, StepUp.
Panairi “Kontakt” është mbështetur nga FETI, FSHIIK dhe Fakulteti i Makinerisë, nga Qendra për menaxhment konsalting, arsim dhe shkencë Motiva dhe nga Maqedonia 2025.
Burimi: MIA
