CIVIL – Qendra për liri në periudhën e shkurtit po e realizon serinë e dytë të intervistave me ministrat e Qeverisë së Republikës së Maqedonisë. Në serinë e parë, në dhjetor të vitit të kaluar, CIVIL Media realizoi dy intervista me ministrin e punëve të brendshme dhe atë të punës e politikës sociale, Oliver Spasovski dhe Frosina tashevska-Remenski, të cilët pozitivisht iu përgjigjën kërkesës sonë. Me ministrin e punëve të jashtme Nikolla Poposki dhe me ministrin e drejtësisë Adnan Jashari nuk arritëm të caktojmë takim. Edhe përkundër gjithë përkushtimit tonë, ministri Jashari nuk gjeti kohë të lirë për të na vënë në agjendë, kurse te ministri Poposki as që arritëm t’i dorëzojmë pyetjet.
Për realizimin e serisë së re të intervistave i kontaktuam sërish ministrat Spasovski dhe Tashevska-Remenski, kurse kësaj here ramë në kontakt me dy ministra të rinj të koalicionit qeveritar – ministrin e bujqësisë, pylltarisë e administrimit të ujërave, Mihaill Cvetkov, dhe zëvendëskryekryeministrin e angazhuar për çështje evropiane, Fatmir Besimi.
E para në ftesën tonë u përgjigj ministrja Tashevska-Remenski, me të cilën filloi seria e dytë e intervistave, kurse CIVIL Media pret përgjigje pozitive edhe nga tre ministrat tjerë.
Qëllimi i serive të intervistave është të ndiqet puna në procesin parazgjedhor, angazhimet e ministrave në sferën në të cilën punojnë me qëllim të mundësimin të zgjedhjeve të drejta dhe demokratike. Krejt kjo po bëhet që lexuesit të vlerësojnë se çka kanë arritur të realizojnë ministrat prej asaj që është e planifikuar dhe se si ajo është reflektuar mbi zgjedhjet.
