Kryeministri Zoran Zaev do të zhvillojë një vizitë në Shqipëri të Enjten, duke marrë pjesë në samitin e Ballkanit Perëndimor të organizuar nga Kryeministri shqiptar Edi Rama.
Samiti mbledh së bashku Presidentin e Malit të Zi Milo Gjukanoviç, Kryeministrin e Kosovës Albin Kurti, Kryeministrin e Serbisë Ana Brnabic, Kryetarin e Këshillit të Ministrave të Bosnje-Hercegovinës Zoran Tegeltija dhe Komisionerin Evropian për Fqinjësinë dhe Zgjerimin Oliver Varhelyi, tha qeveria në një njoftim për shtyp.
Në margjinat e samitit, Zaev dhe Rama do të nënshkruajnë një marrëveshje mbi krijimin e kontrolleve të përbashkëta kufitare dhe doganore në pikat kufitare midis Republikës së Shqipërisë dhe Republikës së Maqedonisë së Veriut.
Përveç kësaj, Kryeministri Zaev do të hapë Qendrën e Kulturës të Republikës së Maqedonisë së Veriut në Tiranë, thuhet në njoftimin për shtyp.
