Zëvendëskryeministri përgjegjës për çështjet evropiane, Nikolla Dimitrov sot do të qëndrojë për vizitë pune në Vjenë, gjatë së cilës është parashikuar të të takohet me Karoline Edshtadler, Ministren për Evropë dhe Kushtetutë, dhe Ministrin e Punëve të Jashtme të Austrisë, Aleksander Shalenberg.
Siç kumtoi Sekretariati për Çështje Evropiane, vizita është pjesë e turneut të zëvendëskryeministrit Dimitrov në kryeqytetet e vendeve anëtare të BE-së, ndërsa në kontekstin e përpjekjeve të shprehura austriake për ta intensifikuar procesin e zgjerimit të BE-së me Ballkanin Perëndimor, si dhe angazhimin e Austrisë në balalfaqimin me pandeminë KOVID-19 dhe sigurimin e ndihmës bazuar në parimin e solidaritetit.
Siç është kumtuar, Dimitrov do t’ju referohet hapave të reformës dhe angazhimin e fortë të Maqedonisë së Veriut në tejkalimin e sfidave dhe përmbushjen e agjendës evropiane, ndërsa theksi kryesor do të vihet në perspektivat për arritjen e një kredibiliteti dhe realizueshmërie më të madhe të perspektivës evropiane dhe konkretizimin e saj përmes mbajtjes së konferencës së parë ndërqeveritare me BE-në.
Në takimet do të hapen edhe temat në lidhje me bashkëpunimin dypalësh me Austrinë si mbështetësin tonë të përkushtuar, i cili përfshin ndihmë konkrete në zbatimin e reformave në fushat kryesore të procesit të integrimit evropian, si dhe projekte specifike humanitare, infrastrukturore dhe investimesh, qëndron në kumtesën.
