Faza e parë nga Regjistrimi i Popullsisë, amvisërive dhe banesave fillon sot me regjistrimin e të punësuarve në përfaqësitë diplomatike dhe konsullore dhe familjeve të tyre, e diasporës, e anëtarëve të ushtrisë jashtë vendit, të burgosurve dhe të pastrehëve. Ky aktivitet do të zgjasë deri më 21 prill, kur edhe zyrtarisht duhet të përfundojë regjistrimi, i cili do të fillojë më 1 prill.
MPJ-ja do të zbatojë një fushatë mediatike për të motivuar personat për vetëregjistrim, që mungojnë jashtë vendit: për të punuar në Kombet e Bashkuara dhe organizatat e saj, zyrat përfaqësuese ose përfaqësuesit e dhomave të tregtisë jashtë vendit, njësitë e biznesit jashtë vendit, ushtria përfaqësuesit e Ushtrisë jashtë vendit dhe studentët dhe qytetarët e angazhuar nga Republika e Maqedonisë Veriore në bazë të bashkëpunimit ndërkombëtar, teknik dhe bashkëpunimit tjetër, si dhe anëtarët e familjeve / amvisëritë e tyre që qëndrojnë jashtë vendit me personat e përmendur. Kjo përfshin të gjithë personat – shtetas të Republikës së Maqedonisë së Veriut që banojnë jashtë vendit për çfarëdo arsye, pavarësisht nga kohëzgjatja e qëndrimit të tyre.Drejtori i Entit shtetëror për statistike, Apostol Simovski kumtoi se vetëregjistrimi do të zhvillohet përmes ueb aplikacionit, i cili, është lehtë i qasshëm dhe i thjeshtë. Qytetarët duhet të futen vetëm me adresën e tyre të postës elektronike. Do të jetë i arritshëm vetëm nga jashtë dhe siguria e të dhënave personale është e garantuar.
Ministria e Punëve të Jashtme si përgjegjëse për diasporën, përmes PDK-së do të përfshihet në informimin e të huajve dhe qytetarëve të tjerë jashtë vendit që të renditen në internet përmes ueb faqes së PDK-së. PDK-ja do të jetë mbështetje logjistike. Në ueb faqen e MPJ-ja tashmë ka një link për komunikim me numrat e telefonit që do të punojë 24 orë në ditë dhe do të jetë në dispozicion të qytetarëve për informacion dhe sqarime.
Të dhënat për qytetarët tanë jashtë vendit që do të merren në regjistrim, do të jenë një mundësi e shkëlqyeshme për planifikimin e politikave të diasporës, për shërbimet që u nevojiten të zhvendosurve.
Ministri i Punëve të Jashtme, Bujar Osmani të shtuën paralajmëroi se në përpunim është konsullata dixhitale, në të cilën onlajn mund të merren dokumentet e nevojshme.
Të dhënat e regjistrimit do të përdoren për të parë arsyet pse emigrantët u larguan nga vendi dhe si t’i kthejmë ata”, theksoi Osmani.MPJ-ja dhe PDK-ja jashtë vendit do t’i përdorin të gjitha kanalet e mundshme për të ndarë informacione mbi Regjistrimin dhe vetëregjistrimin. Rekomandohet të përdoren të gjitha kontaktet me shoqatat e qytetarëve, shoqatat fetare, shoqatat e studentëve, në mënyrë që të regjistrohen sa më shumë qytetarë të Maqedonisë së Veriut që qëndrojnë jashtë vendit. Qëllimi i këtij aktiviteti është marrja e të dhënave për personat që kanë lëvizur, si dhe struktura e tyre demografike, arsimore dhe ekonomike-sociale, nga janë zhvendosur dhe në cilën periudhë.
Vetëregjistrimi i personave në përfaqësitë diplomatike-konsullore të Republikës së Maqedonisë së Veriut jashtë vendit bëhet përmes aplikimit të regjistrimit, deri tek i cili mund të arrihet përmes këtyre ueb faqeve:
• www.stat.gov.mk
• https://popis2021.stat.gov.mk/
Vetëregjistrimi nënkupton plotësim të aplikacionit të regjistrimit nga ana e vetë personit i cili është njësi e regjistrimit.Të dhënat për familjen i jep njëri prej anëtarëve të rritur të familjes i cili ka njohuri për të dhënat, ndërsa për fëmijët deri në 15 vjeç, njëri prej prindërve use kujdestari.
Personi i cili i jep përgjigjet e Regjistrimit është i detyruar të japë të dhëna të sakta dhe të plota për të gjitha pyetjet.
Të dhënat gjatë vetëregjistrimit do të regjistrohen sipas situatës në 31 mars të vitit 2021 në ora 24:00, gjegjësisht në mesnatë, midis 31 marsit dhe 1 prillit të vitit 2021.
Në ueb faqen e MPJ-së janë të publikuara edhe numrat e telefonit për kontakt për informacione për Regjistrim 2021.Prej sot, Enti shtetëror për statisitki i fillon trajnimet për trajnerët që do ta kryejnë regjistrimin në terren, ndërsa për të cilat tashmë ishin publikuar shpallje.
Ndërkohë, opozita VMRO-DPMNE vazhdon të mbledhë nënshkrime nga qytetarët dhe këmbëngul që regjistrimi duhet të shtyhet për shkak të pandemisë me Kovid-19.
Regjistrimi i popullatës, familjeve dhe banesave në Republikës së Maqedonisë së Veriut do të zbatohet në periudhën nga 1 deri më 21 prill të vitit 2021.
