Prezantim i iniciativës “Voto/Glasaj”, fushata kundër lajmeve të rrejshme dhe gjuha e urrejtjes dhe Raporti nga monitorimi i CIVILit do të jenë tema të konferencës për shtyp që do të mbahet nesër, e shtunë, 11 korrik, në hotelin Park Rezidence, me fillim në ora 13.
Raportet dhe analizat e CIVILit përfshijnë një sërë aspektesh. Në fokusin e këtyre zgjedhjeve është financimi politik, lajmet e rreme dhe gjuha e urrejtjes, keqpërdorimet në kategori të ndryshme të monitorimit dhe masat për mbrojtje nga koronavirusi. CIVILi edhe një herë do t’i drejtojë mesazhet para ditës zgjedhore. Konferenca do të mbahet në gjuhën maqedonase, shqipe dhe rome.
Konferenca do të transmetohet drejtpërdrejt në Fejsbuk faqen e CIVILit. Redaksitë mund të dërgojnë edhe pyetje përmes postës elektronike [email protected] deri nesër në ora 12:30.
CIVIL Media bisedoi me ministrin për shoqëri informatike dhe administratë, Damjan Mançevski dhe me revizorin kryesor shtetëror, Maksim Acevskin, për korrupsionin, transparencën dhe financimin në kontekst zgjedhor.
“Mekanizmi kryesor për të luftuar këtë është transparenca. Inspektimet dhe shërbimet janë normale, por vazhdoj të them që ne nuk mund të kemi aq inspektorë sa njerëzit mund të bëjnë marrëzi. Dhe për fat të keq jemi të tillë si një rajon, flas jo vetëm në vendin tonë, por në këtë pjesë të Evropës. Sidoqoftë, me transparencë, ne kemi bërë vërtet një hap të madh përpara. Dhe ky është mekanizmi kryesor për të luftuar korrupsionin. “Unë mendoj se niveli i transparencës, veçanërisht në Qeveri dhe në ministritë, është shumë më i lartë se në institucionet e tjera,” tha Mançevski, duke iu referuar pranisë së korrupsionit në administratë dhe luftës kundër.
“Si qytetarë, ne nuk mund të shohim se ka korrupsion në çdo aktivitet. Gjithmonë duhet të flasim për mënyrën e parandalimit të korrupsionit, dhe sa herë që flasim për shtypjen, mendimi im gjithmonë është se duhet parandaluar. Vetëm në atë mënyrë mund të krijojmë një kulturë të sjelljes që do të jetë një shembull për pjesëmarrësit e tjerë, ” iu përgjigj Acevski pyetjes në lidhje me praninë e elementëve të korruptuese në financimin politik të fushatës zgjedhore.
Në këto tema CIVIL Media bisedoi edhe me kryetaren e Komisionit për parandalimin e korrupsionit Biljana Ivanovska, dhe nënkryetaren Katica Nikollovska. Të gjitha intervistat mund t’i shihni në Youtube kanalin në CIVIL –CIVIL Macedonia dhe në faqen civilmedia.mk.
