Pas publikimit të videoinçizimeve dhe fotove në rrjetet sociale, ku me rastin e festës fetare Shën Gjergji, kishte prani masive të qytetarëve në liturgjinë fetare të mbajtur mbrëmë në Strugë, Prokuroria Themelore Publike e Strugës ka nisur hetim. Prokuroria do të hetojë shkeljen e rregullave gjatë pandemisë të miratuara me dekret nga qeveria. Ajo madje ka dorëzuar urdhëresë për sigurimin e pamjeve nga kamerat e sigurisë nga objektet përreth, me qëllim që të identifikohen personat që kanë marrë pjesë në këtë ngjarje dhe të vërtetohet nëse ata kanë qenë aty me vetëiniciativë.
Prokuroria Themelore Publike
“Për të vërtetuar faktet në lidhje me rastin, Prokuroria e Strugës ka dorëzuar kërkesë deri tek Ministria e Brendshme në Strugë për të kontrolluar ngjarjen dhe për të identifikuar autorët e mundshëm të veprës penale. Në të njëjtën kohë, Prokuroria kërkon të identifikohen dhe të merren në pyetje organizatorët e liturgjisë, për të vërtetuar nëse kanë pasur leje për një organizim të tillë gjatë pandemisë të shkaktuar nga Covid-19”.
