Qeveria vendosi të ndalojë lëvizjen e të rinjëve nën 18 vjet nga ora 21:00 deri të nesërmen në ora 12:00, ndërsa për të moshuarit mbi 67 vjet ndalohet lëvizja prej ora 11:00 deri mëngjesin e ardhëshëm në ora 05:00, njoftoi kryeministri Oliver Spasovski.
Kjo nënkupton se të miturit nën 18 vjet do të mund të lëvizin prej ora 12:00 në mesditë deri në ora 21:00, ndërsa të moshuarit mbi 67 vjet do të kenë të drejtë nga ora 05:00 e mëngjesit deri në ora 11:00 të të njëjtës ditë, njofton Europort.mk.
Ky vendim është marë me qëllim që të mos takohen këto dy kategori të qytetarëve, të rinjtë si bartës pitencial të virusit korona dhe të moshuarit si kategori më e rrezikuar e qytetarëve, tha Spasovski gjatë një interviste në TV24.
Ai njoftoi poashtu se ora policore është zhvendosur dhe do të zgjasë nga 21:00 deri në ora 05:00 në vend se në 06:00 siç u vendos ditën e parë. Kreu i Qeverisë ka thënë se nesër do të shqyrtohet edhe ndalimi i transportit të udhëtarëve me autobus, por nuk përjashtoi mundësinë edhe për masa të tjera në të ardhmen varësisht nga zhvillimi i situatës dhe respektimi i masave të deritanishme nga ana e qytetarëve.
