Vendosje të veprave të reja penale në Kodin penal siç është “Parandalimi i gazetarëve në kryerjen e detyrave profesionale” dhe “Sulmi ndaj gazetarëve në kryerjen e obligimeve profesionale” gjegjësisht ndarje të anëtarëve ekzistues në ligjin të cilët kanë të bëjnë me kërcënimet dhe sulmin fizik duke përfshirë edhe vrasje, kërkoi drejtori i SHGM-së, Dragan Sekulovski.
Përfaqësues të SHGM-së morën pjesë në grupin e punës për ndryshime dhe plotësime të Kodit penal,ku janë shqyrtuar rekomandimet e Shoqatës për ndryshim të Kodit penal në pjesën e mbrojtjes së gazetarëve dhe punonjësve mediatikë gjatë kryerjes së detyrës së tyre profesionale.
Me këto propozim ndryshime, çdo person do të kërcënojë ose do të sulmojë gazetar, punonjës mediatik ose person të tyre të afërm për shkak të kryerjes së detyrave profesionale gazetarese do të marrë dënim më të madh nga ana e gjykatës, theksohet në kumtesën e SHGM-së.
Përveç kësaj, për një pjesë të këtyre shkeljeve të të drejtave në të ardhmen, prokuroria do të ndërmarrë masa sipas detyrës zyrtare, në vend të praktikës së padive private nga ana e gazetarëve siç është ajo për momentin. Qëllimi i këtyre ndryshimeve të Kodit penal dhe në të njëjtën kohë të zmbrapsen sulmuesit potencialë në të ardhmen.
Me ndryshimet e propozuara, ekipet e gazetarëve do të marrin mbrojtje më të madhe në kryerjen e obligimeve profesionale, diçka të ngjashme si edhe personat zyrtarë. Mbrojtja e tillë do të jetë në pajtim me standardet ndërkombëtare evropiane dhe praktika e Gjykatës evropiane për të drejtat e njeriut, ndërsa në kontekstin tonë lokal mbrojtja e tillë është më se e nevojshme, thekson SHGN-ja.
Grupi punues për ndryshime të Kodit penal është në kuadër të Ministrisë së Drejtësisë dhe është kryesohet nga akademiku Vllado Kambovski. Në periudhën e ardhshme pritet të ketë takime shtesë në të cilat do të harmonizohen ndryshimet dhe plotësimet e këtij ligji.
