Maqedonia bashkëpunon me Shtetet e Bashkuara të Amerikës (SHBA) në përpjekjet antiterroriste dhe është anëtare e Koalicionit global për mposhtje të Shtetit Islamik, qëndron sot në raportin e publikuar të Stejt Departamentit për terrorizimin dhe ekstremizmin e dhunshëm.
Autoritetet e Maqedonisë vlerësojnë se pjesëtarë dhe ithtarë të ISIS-it janë të pranishëm në shtet. MPB dhe Agjencitë e zbulimit vlerësojnë se më së paku 150 shtetas të Maqedonisë kanë udhëtuar që të inkuadrohen në grupet terroriste në Siri dhe në Irak. Prej tyre, 30 janë vrarë, 40 ende janë të pranishëm atje, derisa 80 janë kthyer në Maqedoni, qëndron në raportin.
Mes tjerash, theksohet se Maqedonia ndërmerr masa për forcimin e legjislativës dhe forcimit të kapaciteteve për luftë kundër terrorizmit dhe financimit të saj si dhe forcimit të sigurisë kibernetike dhe bashkëpunimit me partnerët ndërkombëtar.
Policia kufitare e Maqedonisë dhe dogana janë anëtarë të nismës për bashkëpunim kufitar, qëllimi i së cilës është të formohet grup ndërkufitar i punës për siguri kufitare nga Shqipëria, Kosova, Maqedonia dhe Mali i Zi për luftë kundër korrupsionit, kontrabandës, krimit transnacional dhe terrorizmit. (MIA)
