Kurti është i vendosur të hap urën e Ibrit edhe përskaj thirrjeve të ndërkombëtarëve që Kurti ta rishikoj vendimin e tij.
Ish-drejtori i çështjeve evropiane në Këshillin e Sigurisë Kombëtare të SHBA-së, Charles Kupchan ka deklaruar se nuk ka ftohje të raporteve mes Kosovës dhe Shteteve të Bashkuara të Amerikës, mirëpo sipas tij disa lëvizje të kryeministrit Albin Kurtit kanë qenë provokuese për Uashingtonin zyrtar.
- Ai vlerëson se nuk është momenti i duhur që në këtë fazë të hapet ura mbi lumin Ibër për qarkullimin e lirë të automjeteve.
Profesori amerikan, tha se kryeministri Kurti mund të ketë të drejtë politike për ta hapur urën por se nuk do të ishte gjëja e duhur për ta bërë tani.
“Vetëm pse kryeministri ka të drejtë politike dhe ligjore për të hapur urën, nuk është patjetër gjëja e drejtë për t’u bërë kur jemi te qëllimi i gjerë i normalizimit të marrëdhënieve me Serbinë, me qeverinë në Serbi, dhe te krijimi i një situate paqësore dhe drejt progresit në Kosovë.
Në të njëjtën kohë, SHBA-të i kanë bërë thirrje qeverisë së Kosovës që të mos e hapin për qarkullin urën mbi lumin Ibër, pasi që sipas tyre kjo mund të nxis tensione në pjesën veriore te vendit.
Kurti nuk përfill askënd, vazhdohet me punime rreth urës
Rrethi para urës së Ibrit së shpejti me fontanë.
Rrethi në afërsi të urës mbi lumin Ibër në Mitrovicën jugore pritet së shpejti të bëhet me fontanë të re. Sipas drejtorit për shërbime publike në komunën e Mitrovicës, përveç kësaj fontane, projekti komunal ka të bëjë edhe me rregullimin e disa hapësirave publike në dhe për rreth sheshit të Mitrovicës. E ky projekt i cili kap vlerën prej 300 mijë eurosh, po mirëpritet nga qytetarët.
