Paga mesatare mujore neto e paguar për punonjës në muajin tetor të këtij viti ka qenë 29.145 denarë. Sipas të dhënave të Entit Shtetëror të Statistikave, indeksi i pagës mesatare mujore neto të paguar për punonjës në muajin tetor të vitit 2021, në krahasim me tetorin e vitit 2020, ishte 104.5.
Kjo rritje vjen kryesisht si pasojë e rritjes së pagës mesatare mujore neto të paguar për të punësuar në sektorët: Veprimtari të tjera të shërbimit (11,7 për qind), Objekte akomodimi dhe shërbime tjera ushqimore (10,1 për qind) dhe Informacion dhe komunikim (10,1 për qind).
Rritje e pagës mesatare mujore neto për punonjës, krahasuar me një muaj më parë, është shënuar në sektorët: Tregtia me shumicë dhe pakicë; Riparimi i mjeteve motorike dhe motoçikletave (3,5 për qind), Objekte akomodimi dhe shërbime tjera ushqimore (2,1 për qind) dhe Aktivitete të tjera shërbimi (2 për qind).
