Saktë në mesnatë, mes ditës së premte dhe të shtunë, gjegjësisht mes 29 dhe 30 tetorit, fillon heshtja zgjedhore. Heshtja zgjat deri në orën 19:00, të ditës së votimit në rrethin e dytë zgjedhor të zgjedhjeve lokale (e diel, 31 tetor). Kjo nënkupton se përhapja e propagandës, agjitacioni partiak, ryshfeti ndaj votuesve, fushatat dhe shkeljet e tjera të Kodit Zgjedhor janë rreptësishtë të ndaluara.
Gjatë heshtjes zgjedhore raportohet për zgjedhjet edhe gjatë votimit, por ndalen të gjitha format e përfaqësimit zgjedhor mediatik.
Sipas Kodit Zgjedhor, neni 76-B, për shkeljen e heshtjes zgjedhore konsiderohet transmetim i çfarëdo lloj informacioni, fotografi, materiale audio dhe audiovizele me të gjithë pjesëmarrësit në zgjedhje.
Më tej, shkelje e heshtjes zgjedhore janë edhe të gjitha format e raportimit mediatik që janë në mënyrë të hapur apo të fshehur në funksion të fushatës zgjedhore të ndonjërit dhe mund të ndikojnë në vendimin e votuesve.
Nuk lejohet vendosja e të dhënave me të cilat zbulohet identiteti i subjekteve politike ose të individëve të përfshirë në incidente apo parregullsi të tjera në ditën e votimit, si dhe deklarata nga kandidatë në procesin zgjedhor, nga pjesëmarrësit në fushatën zgjedhore, nga përfaqësues të partive politike, si dhe nga bartës të funksioneve në organet e pushtetit.
Çfarë thotë ligji?
Kodi Zgjedhor rregullon heshtjen zgjedhore në Nenin 76-B. Ligji thotë:
Neni 76-b
(1) Gjatë kohës së heshtjes zgjedhore, ndalohen të gjitha format e përfaqësimit mediatik të zgjedhjeve të pjesëmarrësve në fushatën zgjedhore.
(2) Radio-transmetuesit edhe gjatë heshtjes zgjedhore vazhdojnë të raportojnë për procesin zgjedhor në ditën e votimit..
(3) Gjatë raportimit në ditët e heshtjes zgjedhore, do të konsiderohet se mediat e kanë thyer heshtjen zgjedhore në rast se transmetojnë, gjegjësisht publikojnë: çfarëdolloj informacione, fotografi, materiale audio dhe audiovizuele lidhur me dhe në të cilat marrin pjesë pjesëmarrësit në zgjedhje; çfarëdolloj forma të raportimit mediatik që në mënyrë të hapur apo të fshehur janë në funksion të fushatës zgjedhore të ndonjërit dhe mund të ndikojnë në vendimin e votuesve; të dhëna me të cilat e zbulojnë identitetin e subjekteve politike dhe/ose të individëve të përfshirë në incidente ose në parregullsi të tjera në ditën e votimit, si dhe deklarata nga kandidatë në procesin zgjedhor, nga pjesëmarrësit në fushatën zgjedhore, nga përfaqësuesit e partive politike, si dhe nga bartësit e funksioneve në organet e pushtetit.
Raportim
CIVIL fton të gjithë vëzhguesit e tyre dhe të gjithë qytetaret dhe qytetarët të raportojnë parregullsitë zgjedhore, përfshirë edhe shkeljen e heshtjes zgjedhore.
Raportimet mund të paraqiten në ueb-faqen slobodniizbori.info ose në Raportim qytetar, në të cilën lehtë gjindet edhe baneri Stop për lajmet e rreme dhe gjuhën e urrejtjes në internet portalin civilmedia.mk. Gjithashtu, parregullsitë mund të paraqiten edhe në postën elektronike ([email protected]), në mesazh në faqen e Facebook-ut të CIVIL-it, si dhe në numrat e telefonit 02 / 5209 176 (të dielën, prej në 7 në mëngjes) dhe 070 699 580 (e shtunë, 30 tetor, prej në orën 12:30 pasdite).
