Hapet web-faqja informative për reformat në arsimin fillor

Është hapur uebfaqja e re informative, në të cilën mund të sigurohen vetëm të dhëna në lidhje me reformat që po krijohen dhe zbatohen në arsimin fillor, në përputhje me planin për ndryshime dhe përmirësimin e cilësisë së sistemit arsimor kombëtar, njoftoi sot Ministria e Arsimit dhe Shkencës.

Në www.osnovnoobrazovanie.mon.gov.mk mediat dhe qytetarët mund të informohen për të gjitha aktivitetet aktuale dhe të ardhshme, që Ministria e Arsimit dhe Shkencës dhe institucionet e tjera kompetente në fushën e arsimit po zbatojnë, gjegjësisht, planifikojnë të modernizojnë bazën e sistemin arsimor në vend dhe kapjen e hapit me standardet e cilësisë të vendosura nga vendet e botës së zhvilluar.

“Uebfaqja përmban një shpjegim të hollësishëm të përmbajtjes së planit për reformën e arsimit fillor, dhe të gjitha dokumentet që lidhen me ndryshimet bëhen publike, siç janë Koncepti për arsimin fillor, kurrikulat e reja dhe standardet kombëtare, mbi të cilat ato janë zhvilluar, por gjithashtu legjislacioni ekzistues dhe që është duke u përgatitur ose është tashmë në procedurë parlamentare për miratim.

Gjithashtu, në një menu të veçantë mund të gjenden përgjigje për të gjitha dilemat dhe pyetjet më të zakonshme, që i bëhen publikut në lidhje me aspekte të caktuara të ndryshimeve”, thuhet në njoftim.

MASH, siç thuhet, vazhdon të jetë një institucion që respekton plotësisht parimin e transparencës dhe llogaridhënies në punën e saj, si dhe një institucion i hapur për bashkëpunim me të gjithë individët dhe grupet që synojnë të japin një kontribut konstruktiv për krijimin e ndryshimeve që duhet të ndodhin në interes të krijimit të brezave më të mirë dhe më të përgatitur të të rinjve.