Ministri i Punëve të Brendshme, Oliver Spasovski sot u vaksinua kundër Kovid-19 në pikën për vaksinim në sallën sportive “Pero Nakov” në Kumanovë. Ai ka shprehur kënaqësi nga interesimi i kumanovarëve për vaksinim dhe ka shprehur falënderim deri te infermieret për zbatimin e procesit të imunizimit.
Spasovski u bëri thirrje qytetarëve të paraqiten dhe të vaksinohen, pasi, tha ai, kjo është mënyra e vetme që të tejkalohet pandemia. Për të, vaksina është përgjegjësi qytetare, personale dhe shoqërore.
“Me të vërtetë vaksinimi dhe imunizimi i popullatës mund të ndihmojë që ta tejkalojmë Kovid-19 dhe për këtë shkak është shumë me rëndësi që të gjithë qytetarët nga Kumanova dhe nga vendi i jonë sa është e mundur në numër më të madh të paraqiten për vaksinim. Dëshiroj ta shpreh kënaqësinë që te qytetarët e Kumanovës ka paraqitje të mirë për vaksinim, tanimë mbi 10 për qind nga popullata në qytet janë imunizuar, që tregon në vepër për një përgjegjësi që e kemi si qytet dhe si njerëz në pjesën e vaksinimit”, deklaroi Spasovski.
Ministri i Punëve të Brendshme theksoi se të gjitha vaksinat janë të kontrolluara dhe të sigurta, duke shtuar se është me rëndësi që qytetarët të vaksinohen me cilëndo vaksinë, që të pengohen format e rënda të Kovid-19 dhe pasojat fatale.
“Mirë është se në kohë të fundit kemi në përgjithësi shumë qytetarë që dëshirojnë të vaksinohen dhe edhe një herë do të apeloj deri te të gjithë ata që të paraqiten në vakcinacija.mk, të marrin termin dhe ta përfundojnë detyrën personale dhe qytetare, në atë mënyrë i ndihmojmë vetes dhe familjes, rrethinës. Gjithsesi se vaksinimi nuk është fund i luftës kundër Kovid-19, posaçërisht në periudhën pas vaksinimit duhet të kemi kujdes, t’i respektojmë masat e sigurisë”, deklaroi ministri.
Ai apeloi se qytetarët duhet t’i respektojmë masat shëndetësore, mbajtjen e pajisjeve mbrojtëse, respektimin e distancës.
Spasovski iu falënderua personelit mjekësor për luftën e tyre kundër Kovid-19 dhe për përfshirjen në procesin e vaksinimit. Spasovski pret që të gjithë së bashku do të kontribuojnë që t’i jepet fund pandemisë, ndërsa mënyra e vetme është vaksinimi dhe edhe një herë bëri thirrje që qytetarët të paraqiten për vaksinim dhe të imunizohen dhe në këtë mënyrë t’i ndihmojnë edhe shoqërisë edhe vetes.
