Të gjithë aktorët në shoqëri, nga institucionet te organizatat e qytetare, duhet të bashkohen dhe të jenë të bashkuar në përgjigjen ndaj të gjitha formave të dhunës gjinore dhe seksuale ndaj grave dhe vajzave të cilat nuk duhet të qëndrojnë të heshtura ose të pandëshkuara.
Kjo u theksua në takimin e djeshëm në Qeveri ndërmjet përfaqësuesve të Platformës për barazi gjinore me ministrat e Punëve të Brendshme, Drejtësisë, Punës dhe Politikës Sociale dhe Arsimit dhe Shkencës, Oliver Spasovski, Bojan Mariçiq, Jagoda Shahpaska dhe Milla Carovska.
Përfaqësuesit e sektorit qytetar, sipas shërbimit për shtyp të qeverisë, theksuan se fenomene të tilla si “Dhoma Publike” dhe forma të tjera të organizuara të dhunës ndaj grave dhe vajzave, nga Prokuroria Publike dhe sipas Kodit Penal duhet të trajtohen si organizatë kriminale , gjatë kualifikimit të veprës por edhe në procedurat e mëtejshme.
“Qeveria e kupton plotësisht unanimitetin në pikëpamjet e përfaqësuesve të platformës gjinore dhe ndan pritjet për ndëshkime të përshtatshme për organizatorët dhe autorët e këtyre veprave penale, si dhe masa dhe sanksione për ata që morën pjesë në mosveprim sepse “Dhoma Publike” dhe forma të tjera të dhunës me bazë gjinore sulmon dinjitetin, kërcënon të drejtën e privatësisë dhe përbën diskriminim të shumëfishtë”, thekson Pres shërbimi qeveritar.
Ministrat e Punëve të Brendshme dhe të Drejtësisë, Oliver Spasovski dhe Bojan Mariçiq dhe ministrat e Punës dhe Politikës Sociale dhe të Arsimit dhe Shkencës, Jagoda Shahpaska dhe Milla Carovska, theksuan se në takim ata ndanë mendimin se Qeveria dhe organizatat qytetare janë në anën e viktimave dhe se ky dialog i hapur do të jetë platformë e rregullt për shkëmbimin e propozimeve konkrete për aktivitete dhe mekanizma që do të rrisin mbrojtjen e viktimave të dhunës me bazë gjinore.
Ministri Spasovski dhe ministrja Shahpaska ranë dakord se është e nevojshme për të forcuar kapacitetin e profesionistëve në qendrat për punë sociale dhe në MPB-në, përmes trajnimit të specializuar dhe edukimit për t’u marrë me dhunën me bazë gjinore dhe për të mbështetur viktimat, si hapa të rëndësishëm në rivendosjen e besimit të viktimave në institucione. Spasovski adresoi indikacionet e mosveprimit, duke inkurajuar organizatat qytetare të paraqesin tek zyrtarët e policisë të kontrollit të brendshëm për të cilët ekzistojnë dyshime të tilla, duke theksuar se kontrolli i brendshëm vepron pa dallim. Shahpaska theksoi se buxheti i MPPS-së siguron mjete për shërbime të specializuara për viktimat në përputhje me nevojat e tyre individuale, të cilat përfshijnë edhe organizatat qytetare.
Ministri Mariçiq theksoi se rasti “Dhoma Publike” ka përshpejtuar procesin e miratimit të ndryshimeve të nevojshme ligjore në Kodin Penal që do të mundësojë parandalimin dhe sanksionimin e rreptë të akteve të mbuluara nga ky rast. Ajo që ministri e theksoi është vullneti politik për dialog të hapur në mënyrë që të zbatohen në mënyrë më efektive zgjidhjet ligjore. Ministrja Carovska theksoi se përveç punës për zgjidhjet ligjore në sektorë të ndryshëm dhe përpjekjes së tanishme të përbashkët për të sanksionuar dhe trajtuar dhunën me bazë gjinore, është thelbësore që të angazhohemi për reformë arsimore cilësore që do të krijojë breza të ndjeshëm ndaj gjinisë në planin afatgjatë.
Konkludimi i përbashkët nga takimi ka qenë përveç legjislacionit dhe masave parandaluese që çdo institucion në sistemin e mbrojtjes është i detyruar të marrë për të eliminuar dhunën ndaj grave dhe dhunën në familje, veçanërisht vend të rëndësishëm ka detyrimin ligjor për veprimin efikas të Prokurorisë publike dhe gjykatave në shqiptimin e masave urgjente dhe të përkohshme për mbrojtje.
Në këtë drejtim, theksojnë nga qeveria, nga takimi u bë thirrje Prokurorisë dhe gjykatës të veprojnë në përputhje me dispozitat ligjore dhe të përmbushin rolin e tyre për të qenë një pjesë e rëndësishme dhe thelbësore e përgjigjes institucionale ndaj sanksionimit të dhunës gjinore dhe seksuale.
