Kemi plan për pastrimin e deponive ilegale, por për fat të keq ka deponi ilegale në të gjithë vendin, deklaroi sot ministri i Mjedisit dhe Jetësor dhe Planifikimit Hapësinor, Naser Nuredini në përgjigjen e pyetjes në një konferencë për shtyp, duke shtuar se në këtë çështje punojnë me të gjithë kryetarët e komunave në të gjithë vendin.
“Kemi bashkëpunim me Ambasadën zvicerane për deponinë Rusino. Punojmë në rajonin e veriut dhe verilindjes, kemi aktivitete dhe në atë drejtim, 39 kamionë janë dorëzuar tashmë. Si në juglindje ashtu edhe në jugperëndim, kemi aktivitete që synojnë krijimin e një sistemi qendror mbeturinash”, theksoi Nuredini.
Sipas tij, nuk ka një numër zyrtar të deponive ilegale në vend, sepse bëhet fjalë për deponi ilegale.
Kryetari i Qytetit të Shkupit, Petre Shilegov, duke iu përgjigjur një pyetje gazetari rreth deponive të paligjshme, theksoi se ai ka një qëllim serioz për të intensifikuar inspektimin dhe për të hyrë në ndëshkimin përfundimtar.
“Kërkesa e Qytetit drejtuar Ministrisë së Drejtësisë është, ndër të tjera, edhe në ndryshimet në kodin penal që pasojnë, tek personat që janë hasur duke bërë deponi ilegale, të konfiskohen si mjete me të cilat është kryer vepra penale dhe kamionët që i kemi parë në vende të caktuara që atë e bëjnë. Nëse hyjmë në një politikë më të rreptë penale me mbikëqyrje të përhershme të autoriteteve kompetente, ato janë shërbimet komunale të inspektimit, inspektorati shtetëror ku tashmë jemi duke vendosur bashkëpunim të ri dhe më të mirë, por edhe MPB-ja, do të arrijmë të parandalojmë krijimin e pikave të tilla”, tha Shilegov.
Ai tha se beteja me deponitë e vogla është e përhershme dhe e përditshme dhe është bërë pjesë e funksionimit të rregullt të ndërmarrjeve publike të qytetit.
Lidhur me automjetet e vjetra në qytet, Shilegov tha se në nivelin komunal ata kanë një marrëveshje ndërmjet kryetarëve të komunave për largimin e tyre, por, siç tha ai, ka probleme ligjore, gjegjësisht pa pëlqimin e pronarit automjeti nuk mund të ngrihet.
