Kryetari i Qytetit të Shkupit, Petre Shilegov pret që gjykata së shpejti të sjellë vendim në lidhje me partneritetin publik privat në deponinë Drisla, pas çka do të mësohet si do të veprojë Qyteti në të ardhmen, gjegjësisht nëse do të zbatojë procedurë të re për zgjedhjen e partnerit me atë për të cilin gjykata ka vendosur se duhet të jetë partner për ta përshpejtuar procesin e ndërtimit të deponisë së re bashkëkohore.
“Pres që gjykata shumë shpejtë të sjellë vendim. Qyteti dhe unë si kryetar ose do të zbatoj procedurë të re ose me atë që gjykata e ka zgjedhur si partner të ndryshuar do ta shpejtoj procesin e ndërtimit të deponisë bashkëkohore në qytetin e Shkupit”, tha Shilegov duke u përgjigjur në pyetjet e gazetarëve pas promovimit të autobusit elektrik.
Deri më tani, tha kryetari i Shkupit, qyteti është dashur të ketë të ndërtuar kapacitet ku do të bëhej selektim i mbeturinave, do të kishte politikë të selektimit dhe do të kemi stacion i cili do ta djegë, ndërsa Shkupi do ta shfrytëzonte energjinë nga kjo.
“Kundërmimin nga Drisla deri më tani nuk do ta ndjenim nëse nuk do ta kishim partneritetin privat publik kriminel që paraardhësi im dhe shumica e VMRO-DPMNE-së në Këshill tre herë e ka zgjedhë edhe krahas vendimeve gjyqësore”, tha Shilegov.
Shtoi se motiv për një zgjedhje të tillë të partneritetit me siguri ishin edhe udhëtimet e shpeshta në Itali të një pjese të këshilltarëve të VMRO-DPMNE-së dhe kryetarit paraprak të Qytetit. (MIA)
