Paneli në temën “Mes çekanit dhe kudhrës: Mediat dhe gazetaria në procesin zgjedhor, në organizim të CIVIL-Qendrës për Liri, u mbajt sot në hotelin “Park Rezidence”. Në diskutimin morën pjesë gazetarë të shquar nga mediat në gjuhën maqedonase dhe shqipe.
Panelistët Gordana Duvnjak (Utrinski vesnik), Ljubisha Nikollovski (TV Nova), Biljana Spaseska Georgievska (TV 21), Branko Geroski (Slloboden peçat, Plusinfo), Nazim Rashidi (TV Alsat-M), biseduan se si mediat i “mbuluan”zgjedhjet e parakohshme parlamentare dhe për pëvojat e tyre personale për presionet ndaj të cilave ishin të ekspozuar gjatë informimit për fushatën, ditën e zgjedhjeve dhe periudhën pas zgjedhjeve. U parashtrua edhe pyetja se sa gazetarët dhe redaktorët kanë hapësirë pët ofertë për kthimin e dinjitetit të profesionit.
Gazetarët e pranishëm, çdo njëri nga ata, me përvojë tridhjetëvjeçare profesionale, iu referuan edhe problemeve me informimin e balancuar, pozitës së rëndë sociale të gazetarëve, si dhe për “ daljen” nga sipërfaqësia, edukimi i dobët dhe pjesën sensacionaliste të gazetarisë, në përndjekje dhe linçim nga pushteti ndaj gazetarëve prodemokratikë.
Moderator në panelin ishte redaktori i CIVIL Media, Sinisha Stankoviq.
Përveç gazetarëve- panelistë të cilët biseduan për sfidat e mediave gjatë procesit zgjedhor në Republikën e Maqedonisë, në diskutimin morën pjesë edhe përfaqësues të shoqërisë qytetare, partive politike, si dhe qytetare dhe qytetarë të interesuar, të cilët përmes pyetjeve dhe qëndrimeve të tyre dhanë kontributin e tyre për zhvillimin e frytshëm të diskutimit.
Paneli “Mes çekanit dhe kudhrës” është pjesë e projektit për vëzhgim zgjedhor “Përpara!”, i mbështetur nga Ministria për Punë të Jashtme e Republikës Federale të Gjermanisë.
