Aktivistët e CIVIL – Qendra për Liri dje në bit Pazar dhe rreth QT “Mavrovasja” në komunën shkupjane të Çairit, shpërndanë mbi njëqind fletushka në gjuhën maqedonase dhe shqipe, me përmbajtje informative dhe edukative për vëzhgimin e zgjedhjeve, në kuadër të projektit “Përpara!“.
Qytetaret dhe qytetarët ishin të kënaqur dhe të interesuar për të qenë pjesë e ekipit vëzhgues të CIVIL, e disa prej tyre vuri në dukje se deri tani askush “nuk ka i ka vënë në hesap”.
“Nëse jeni OJQ, atëherë do të marr një afishe dhe do të aplikoj, por nuk do të paraqitem nëse jeni parti politike, mjaft e kemi nga partitë politike të na tregojnë se çfarë të bëjmë”, komentoi një qytetar.
Me qindra e vëzhguesve të akredituar, më shumë se 1.000 vëzhgues qytetarë dhe ekip të spikatur të analistëve dhe ekspertëve, “Përpara!” është projekt për monitorimin afatgjatë të procesit zgjedhor, për vëzhgimin gjatë Ditës së Zgjedhjeve, për edukimin dhe ngritjen e vetëdijes publike për të drejtat e votuesve.
Projekti “Përpara!” zbatohet në mbarë vendin në 14 qendrat rajonale të CIVIL dhe financohet me fonde gjermane nga Pakti i Stabilitetit për Evropën Juglindore.
